Ka njerëz që ndihmojnë pa pritur asgjë në këmbim… Njerëz që japin në heshtje, pa zhurmë, por me një ndikim të madh. Ata nuk kërkojnë vëmendje, as lavdi, por vetëm një gjë: të sjellin një ndryshim në jetën e dikujt tjetër.
E tillë ka qene ndihma dhe i tillë ka qenë kontributi që shumë donatorë iu përgjigjën kërkesës së Medresesë shekullore të Tiranës për të kontibuar në mbështetje të nxënësve të saj.
Mësuesit e kësaj medreseje shprehen shumë mirënjohës për të gjithë ata që kontribuan dhe vazhdojnë të kontribojnë në mbështetje të nxënësve të tyre.
Muaji i Ramazanit është një periudhë e veçantë, një kohë reflektimi, devotshmërie dhe mbi të gjitha, një moment kur zemrat afrohen me njëra-tjetrën përmes veprave të mira. Në këtë muaj, kemi parë se si bujaria arrin kulmin, si dorë pas dore ndërtohet një urë që lidh ata që kanë mundësi të ndihmojnë me ata që kanë nevojë për mbështetje.
Gjatë këtyre ditëve të bekuara, kemi qenë dëshmitarë të një solidariteti të jashtëzakonshëm. Shumë miq dhe dashamirës janë bashkuar me ne për të dhënë mbështetjen e tyre për shumë nxënës të medreseve "M. Dashi", Tiranë dhe "Liria", Elbasan. Disa zgjodhën të kontribuojnë nëpërmjet platformës së dhurimit:
➡️ https://sema.edu.al/donate/
Ndërsa, të tjerë erdhën personalisht në shkollë, duke marrë përsipër bursa për nxënësit e shkollave.
Çdo ndihmë, çdo kontribut, çdo dorë e shtrirë ka sjellë një rreze shprese në jetën e shumë të rinjve, të cilët përballen me sfida të shumta. Me ndihmën e donatorëve, këta të rinj mund të ndjekin ëndrrat e tyre, të marrin dije dhe të ndërtojnë një të ardhme më të ndritur.
Faleminderit nga zemra për bujarinë tuaj!
Faleminderit që keni zgjedhur të bëheni pjesë e këtij rrugëtimi të ndritur, duke treguar se dhembshuria dhe dashuria për tjetrin nuk janë thjesht fjalë, por vepra që mbeten të pashlyera në kujtesën e të gjithëve.
Këto gjeste nuk harrohen – ato mbeten dhe frymëzojnë, duke na kujtuar se bota bëhet më e bukur kur ndajmë, kur japim dhe kur jemi pranë njëri-tjetrit.
Kontributi mbi arsimin është kontributi më i mirë që mund të bësh për vendin tënd!
